?

Log in

Zmi Y's Journal
 
[Most Recent Entries] [Calendar View] [Friends]

Below are the 20 most recent journal entries recorded in Zmi Y's LiveJournal:

[ << Previous 20 ]
Friday, April 7th, 2006
5:00 pm
 


Масавая акцыя восьмага красавiка.

Нагода: каранацыя АРЛ.

Месца правядзеньня: усе гарады і вёсачкі Беларусі, усё замежжа. Хто дзе будзе знаходзіцца, там і можна праводзіць.

Час правядзеньня: 8 красавіка, субота, увесь дзень.

Сутнасьць: Выходзіць на вуліцы, разьвешваць усюды чорныя стужкі, самім апранацца ў чорнае, надзімаць чорныя балёнікі. Чорныя юзэрпікі ў жж. Карацей, чым больш чорнага, тым лепш.


 
Friday, February 3rd, 2006
12:30 pm
Monday, September 12th, 2005
2:42 pm
Thursday, July 14th, 2005
12:04 pm
Дрыгва \\ Quagmire \\ Трясина
"Все катітся вніз і в горле комок". Адчуваецца войстры інфармацыйны голад і поўная адсутнасьць падзеяў у палітычнай беларускай багне. Хочацца асушыць палітычнае балота, выйсьці з дрыгвы і адкрыць супэр-СМІ.

Current Mood: зімова-летняя сьпячка
Thursday, May 26th, 2005
3:30 am
З чужога ЖЖ
Калі б Напалеон ведаў, што ў Беразіне такая халодная вада, ён бы не пераправіўся 12 чэрвеня 1812 года з усім сваім вялікім войскам на ўсходні бераг Нёмана. Ах,гэтыя наіўныя дзеці цёплых паўднёвых астравоў!

"Мы,літоўскія князі, просім супрацоўнікаў (неразборліва) пашпартнага стала яшчэ раз удакладніць якой мы ўсё-ткі нацыянальнасці. Адказ даваць толькі на гербавай паперы з вадзянымі знакамі "Пагоні". Гедымінавічы.

Трапіў пад ледавік у адной з каўказскіх цяснінаў і загінуў з усёй сваёй групаю вядомы кінаакцёр і кінарэжысёр Сяргей Бадроў-малодшы. Шкада таленавітага чалавека,які , па сутнасці, толькі пачынаў жыццё. Ён ствараў ,калі быць шчырым, вобраз гэткага рускага супермэна Рэмба, які ўдала і прыгожа ваюе супроць каўказскіх сепаратыстаў. І вось Каўказ у з я ў я г о.

Першая ў гісторыі забастоўка адбылася ў Егіпце ў 1156 годзе да нашай эры. Страйк аб"явілі будаўнікі пірамідаў у дэйр-эль-Медыне,якія два месяцы (толькі ўсяго?!) не атрымлівалі прадукты з дзяржаўных складоў. Пэўна,прафсаюзным босам у забастоўшчыкаў быў сам фараон!

У свой час у Кітаі была магутная Мінская дынастыя і Мінская імперыя. Просьба не блытаць з Мінскай губерняй або Мінскай вобласцю. І не блытайце,калі ласка, Вялікую Кітайскую Сцяну з Мінскай кальцавой дарогай.

Прыгледзьцеся да геаграфічнай карты. Паўночная Амерыка нагадвае магутную птушку з "галавой-дзюбай" Аляскай, з "крылом" Каліфорніяй. Нездарма на гербе Злучаных Штатаў Амерыкі-арол. Што й казаць! Вялікага палёту дзяржава!

Боль...Шынель...Мазоль... Словы вайны. І таму ў беларускай мове яны-словы мужчынскага роду.

Калі ў карэйца пытаюцца "колькі ў вас лыжак?",значыць,хочуць даведацца колькі ў сям"і чалавек. "Адкласці лыжку"-па-іхняму-памерці.

Тры вялікія дыктатары. Прыйшлі ў метраполіі з поўдня,з малалікіх народаў. Зрабіліся ярымі шавіністамі. Карсіканец Буанапартэ-Банапарт у Францыі. Аўстрыяк Шыкльгрубер-Гітлер у Германіі. Грузін Джугашвілі-Сталін у Расіі.

Руская мова (че,ще,ре...) дужа "вострая" для беларускіх вушэй. І занадта ўжо "па-маскоўску" гавораць мінскія тэледыктары. Адсюль-дыскамфорт. У ідэале (а я ўпэўнены,што так і будзе) руская мова на Беларусі будзе "беларуска-рускай" ,падобна як у ЗША няма англійскай класічнай мовы,а ёсць "амерыкана-англійская."

Ірландцы(не ўсе!) кажуць:"Ірландская мова-наша нацыянальная мова. Англійская ж-родная".

Пустынны жук-скарабей шчаслівейшы за фараона,бо не думае аб бяссмерці.

-На калені, брудныя худыя пінгвінчыкі антарктычнага ўзбярэжжа! Я-імператарскі пінгвін!

У грамадзянскую вайну былі белагвардзейцы, белапалякі, белачэхі, белафіны... Былі і-белабеларусы.

Неяк трывожна і няўпэўнена думаецца, што фараоны біялагічна былі звычайнымі людзьмі. У іх мог балець жывот, зуб, магло часацца пераноссе...

"Бізнес-нешта сярэдняе паміж спортам і вайной." Д. Ракфелер.

Адзін з сямі мудрацоў антычнасці Біант з Прыены сказаў прыкладна ў 525 годзе да нашай эры: " Большасць - зло." Чалавецтва ( не бальшавікі ! ) усё яшчэ ўдумваецца ў гэтыя словы.

У нас, беларусаў, ёсць вельмі істотнае падабенства з амерыканцамі. Яны - янкі, і мы - янкі ( Янка Купала, Янка Маўр, Янка Брыль, Янка Сіпакоў, Янка Лайкоў...)
Monday, January 10th, 2005
9:16 pm
Простыя словы \\ Simple words \\ Простые слова
Ачамярэць - стаць горкім як чэмер; надакучыць, абрыдзець
Басалыга - тое, што і прайдзісьвет
Жадункі - дзіўныя жаданьні, капрызы
Канадка - цёплая куртка, звычайна на футры
Карынка - чорны дробны вінаград
Парцэляваць - падзяліць (дзяліць) на малыя ўчасткі, парцэлы. (Парцэлярны, парцэла, парцэляцыя)
Прошча (для aba) - месца (крыніца, камень і пад.), надзеленае, паводле ўяўленьняў вернікаў, надзвычайнай сілай.
Рахаваць - рабіць разьлікі, падлікі. Узважваць, прыкідваць, разьлічваць. (Для asolka cf. rechnen - лічыць)
Цапфа - тэхн. шып восі, які апіраецца на падшыпнік (ням. Zapfen. Cf. Ута Цапф :))
Шамкі - тое самае, што brazgotka, бомы. Дзіцячыя цацкі, пры ўзмахваньні якой утвараецца бразгат.
Шыцік - (проста спадабалася дэфініцыя) Маленькі рачны чарвячок, які жыве ў рухомым доміку-трубачцы, зробленым зь пясчынак, кавалачкаў кары, дробных ракавінак.
Эдыцыя - навуковае выданьне помнікаў пісьменнасьці, фальклору, твораў клясыкаў літаратуры.
Wednesday, December 29th, 2004
6:55 pm
памаранчавае \\ orange \\ оранжевое
Пайшоў быў у снэк-бар, каб узяць кавы, а разам з кавай купіў мандарынку. Чаму! Зусім не хацеў, але чамусьці ўзяў ды купіў. Гэта ўсё рэкляма ад памаранчавых. Яны ж цэлы месяц праводзілі масыўную рэклямную кампанію. А можа гэта не яны, а падсьвядомае жаданьне адчуць пах мандарынак на Новы год?

Зацемка натураліста: Мандарынка хваравіта вялікая, відавочна генэтычна мадыфікаваная, а поры, як на скуры Юшчанкі.

Зацемка псыхааналітыка: У папярэднім запісу пераблытаў Шамякіна з Быкавым. Калі я памру, мяне будуць мучаць у пекле? Напамінка: адсутнасьць канцэнтрацыі і ўвагі ўжо не аднойчы падводзілі мяне і мае нэрвы.

Зацемка акуліста: За 2004-ы год значна пагоршыўся зрок. Ці ёсьць які спосаб змагацца з гэтай міёпіяй?
Tuesday, December 21st, 2004
7:19 pm
Зубны боль \\ Toothache \\ Зубная боль
Ёсьць пэўныя праблемы са здароўем, якія падаюцца ня вельмі значнымі (напрыклад, дзюрка ў зубе ці гастрыт), але пастаянна турбуюць чалавека, хоць і ня вельмі моцна (напрыклад, нясільны зубны боль ці непрыемныя адчуваньні ў страўніку), але кумуляцыйны эфэкт ад гэтага болю можа быць больш за боль ад таго, калі вам сякерай адрубяць нагу. Кумуляцыйны эфэкт можа спрацаваць незаўважным чынам: дзякуючы пастаяннаму болю ў страўніку, чалавек, напрыклад, зь вясёлага кумпанейскага хлопца можа пераўтварыцца ў нэндзу і гундоса.

Чалавек павінен даваць больш увагі свайму здароўю і самаадчуваньню. Мне здаецца, фізычны стан уплывае на чалавека як асобу больш, чым мы гатовыя прыняць. Адсутнасьць або наяўнасьць болю вызначае любое тваё дзеяньне і нават думкі: ці зможаш ты сёньня пайсьці ў Х альбо не, ці хочаш ты выпіць Х альбо не, ці будзеш ты думаць пра Х альбо пра свой боль?

Я падумаў пра гэта, зірнуўшы на вокладку гэтай кнігі на палічцы: Васіль Быкаў "Вазьму твой боль". Ніколі ня думаў пра гэта раней з гэтага ракурсу, але боль - фактычна ёсьць страшэннай вязьніцай для чалавечага цела і розуму. Значыць, забраўшы чыйсьці боль, ты вызваляеш цела і розум чалавека. Даеш яму свабоду.
Friday, November 26th, 2004
5:44 pm
Памаранец \\ Orange \\ Апфельсинн
Сяджу на завалінцы, ем горкі памяранчавы фрухт (апэльсын) і тут у паштовую скрынку падае імэйл з Украіны:

SUBJ: РАЗВИТИЕ НАВЫКОВ КОУЧИНГА ДЛЯ РУКОВОДИТЕЛЕЙ
1-2 декабря
г. Киев, ул. Январского Восстания 13
Целевая аудитория: владельцы бизнеса, директора ведущих компаний и руководители ключевых департаментов

Скажыце, гэта нейкі сакрэтны мэсыдж ад украінскіх рэвалюцыянэраў?

А яшчэ я нядаўна самога Глобуса бачыў ува сьне з вурдалацкімі чырвонымі вачыма. Ён еў памаранец. Гэта таксама сакрэтны мэсыдж?
Wednesday, November 17th, 2004
3:37 am
Ягоная бабуля \\ His Grandmother \\ Его бабушка
Вельмі прыемны сайт! Шкада, што я ў сваёй бабулі такія гісторыі не запісваў. Яна, дарэчы, размаўляе прыкладна на такой самай мове, таксама з Усходняй Беларусі.

Current Mood: соннае
Monday, November 8th, 2004
2:59 pm
Кома \\ Coma \\ Кома
Алесь Разанаў выйшаў з комы, кажуць нямецкія мэдыкі. А маім знаёмым значна цікавей каматозны стан Ясіра Арафата, чым тое, што беларускі паэт Алесь Разанаў памірае ў Нямеччыне. Людзі, навошта вам гэты лідэр нацыі тэрарыстаў? Лепш пачытайце вершы Разанава. У іх ёсьць нешта, чаго няма ні ў кога іншага на гэтай плянэце, і толькі вы, беларусы, можаце гэта зразумець.
Tuesday, October 5th, 2004
4:04 am
Самагубства ў Беларусі \\ Suicide in Belarus \\ Самоубийства в Беларуси
Беларусь займае другое месца ў сьвеце па колькасьці самагубстваў. Гэта таму, што мы стабільныя, як музыка ў мэханічнай катрынцы. Нядаўна мая аднакурсьніца Галя скончыла з жыцьцём. Яна і падкінула мне гэтую мэтафару – краіна як катрынка, ад якой вар’яцееш, бо музыка катрынкі зваротная й паўтаральная. Галя жыла ў сярэднім узросьце, сама сабе астабрыдзела й часта думала скончыць з сабою. “Мець сваю асобу – здорава, як мець уласную хату, але нагэтулькі ж абрыдае”, казала яна.

Вечарамі й я адчуваю сябе так, быццам “сьвет жаваў мяне ўсімі зубамі”. Я ляжу ў ваньне, а пачатая плястыкоўка піва плавае ў цёплай вадзе й дакранаецца да мяне лычыкам. Піва цёплае. І вада цёплая, як мая кроў. Усе натуральныя вадкасьці сьвету – малако, кроў, вада, алькаголь – мусяць быць такой тэмпэратуры – каля 40 па Цэльсію, каб крыху ліхаманіла. Усё мусіць плаўна перацякаць адно ў адно – піва ў кроў, кроў у ваду… – Калі тонкім лязом перарэзаць венкі, яны не баляць – разрэз жа такі тонкі, датыкае 2-3 шэрагаў малекул, і кроў вольна плыве ў роднаснай плыні. Ты не пакідаеш сусьвет, а зьліваесься зь ім, стаміўшыся кожную хвілю, як мэгера, як сьцерва, стаяць на абароне межаў свае самасьці, якая, магчыма, ня вартая стаптанага бота.


Ева Вежнавец

Current Mood: schlaflos
Wednesday, September 22nd, 2004
8:20 pm
Ліфт зь дзьвюмя дзьвярыма \\ An elevator with two doors \\ Лифт с двумя дверями
У адным з будынкаў, у якім я працую, ёсьць ліфт зь дзьвюма дзьвярыма - сьпераду і ззаду (а мабыць ззаду і сьпераду). Я ня дужа баюся застраць у ліфце, але мне чамусьці кожнага разу крыху страшна, што дзьверы адчыняцца не з таго боку, і я апынуся перад бэтоннай сьцяной. Гэтая думка заўжды выклікае падсьвядомы страх. Ты не застраў - не! Дзьверы адчыніліся. Але ты стаіш перад каменнай сьцяной. Нягледзячы на страх таксама чамусьці хочацца, каб калісьці гэта сапраўды здарылася. Каб я паспытаў гэтую хвалю страху і безнадзейнасьці, калі перада мной будзе замураваная каменная сьцяна.
Sunday, September 12th, 2004
2:50 pm
Прысьніў \\ Had a dream \\ Приснилось
* Прысьніў, што ў Юліі Несьцярэнкі дзень народзінаў, і яна мяне запрасіла з жонкай.
* Заходзім. Трохпакаёўка ў Берасьці.
* Шмат яе родных, гасьцей. Такая вялікая беларуская бяседа. Я адчуваю сябе няёмка. Як быццам мы тут зусім чужыя. Але Юлія нас з усімі знаёміць.
* Усе яе цалуюць, абдымаюць. Я таксама пацалаваў яе ў шчочку. Прыемна!
* Селі на канапе. Юля падышла і села паміж мною і жонкай. Вельмі прыемна пагутарылі. Яна пабегла да іншых.
* Потым прыйшоў, падсеў на канапу мой калега Ц. Зайздросьціць, што я асабіста знаёмы зь Юляй. Я адказваю: "Ды не, я толькі тады пазнаёміўся, калі інтэрвію зь ёй рабіў пасьля 100-мэтроўкі".
<Працягу ня будзе>.
Tuesday, August 24th, 2004
12:48 pm
Прысьніў \\ Had a dream \\ Приснилось
* Аб'ява на сьцяне, каля прахадной: "Бясплатны аўтобусны тур у Лёндан для мэдалістаў". Іду ў аддзел кадраў, падпісваю паперкі.
* З жонкай пакуем заплечнікі.
* Экскурсаводка – маладая дзяўчына з нашага аддзелу кадраў, якая ўводзіла мяне "ў курс" у мой першы дзень
* Па дарозе да Лёндану гуляем у карты. Як адно імгненьне - і мы ў Брытаніі.
* Спыняемся ў нейкім прыгарадзе. Рака. Ці то Аршыца. Ці то Дняпро. Для Аршыцы занадта шырокая, для Дняпра – занадта маленькая. Думка: "Але дакладна ня Thames".
* Пераходзім на другі бераг. Кладка як у Воршы – старая, з дошак, гойдаецца пад нагамі.
* Вось і стары будынак касьцёлу
* Заходзім унутр. Унутры – рыхтык Фарны касьцёлу ў Менску да рэстаўрацыі – старыя спартыўныя залі, вільгаць і зьнішчаныя іконы. Спортзаля на костках Хрыста.
* Тоўсты стары Індус, карычнева-чорны, з абвіслымі шчокамі, сядзіць на маце, есьці нейкую індускую "манную кашу" са спэцыямі. Тоўсты пальцы зь пярсьцёнкамі. Жонка-індуска ўносіць талерку. Мы рассажваемся на матах у гэтай спортзалі.
* Раптам – цемра. Цемра. І промні пражэктараў, як у бэрлінскай дыскатэцы. Гучная-гучная музыка, тэхно. І голас з дынамікаў, з індускім акцэнтам: "Дыс ыс комэрршл пррэзэнтэйшн. Уі пррэзэнт аўа прродакт". Усе агні папераменна мільгаюць. Мільганьне-мільгаценьне-мільганьне.
* Замест тэхно – сублімацыйная, гіпнатычная індуская музыка. Усе пражэктары – на мяне. Усе глядзяць на мяне. Кружыцца галава, нейкі транс.
* Стоп! Стоп! Стоп! Баюся, што ня спыняць. Але дзяўчына з аддзелу кадраў дае каманду індусу – спыні. Запалілі сьвятло. Я кажу (ўсім і нікому), што пачакаю ў аўтобусе. Мы выходзім з залі, ні на кога ня гледзячы.
* Моўчкі – праз мост. Кружыцца галава. "Ад вышыні й ад пражэктараў", думаю.
* Замест аўтобуса – мэтро. З Лёндану да Менску.
* На эскалятары едзем Underground. Дарогу ня памятаю. "Гэта індускі гіпноз", кажа жонка.
* Выходзім на станцыі мэтро Ракаўская (Спартыўная).
* У мэтро сустракаю сябра А., які едзе ў Ракаў. Угаворваю пайсьці з намі пехатой.
* Выходзім вонкі з Ракаўскай. Замест Лядовага палацу – як раней, толькі "Дюймовочка" і "Спорт-турызм".
* На другім баку ні кінатэатру "Аўрора", ні Лядовага палацу – пекны парк. Тая вялізная лужына, дзе мы лавілі трытонаў – цяпер прыгожая запруда з кубышкамі і з лотусамі.
* Ідзем праз Дуніна-Марцінкевіча і Янкі Маўра. Замест старых хрушчовак – прыгожы парк. Лябірынты з маленькіх сажалак – як ф'ёрды ў Нарвэгіі. Зеляная кароткая пастрыжаная трава, фантаны, кветкі, сьвежае паветра...
* Прачынаюся.

Current Mood: quixotic
Monday, August 23rd, 2004
2:25 am
Юлія Несьцярэнка \\ Yulia Nesterenko \\ Юлия Нестеренко
Юлія, мне заўтра вельмі рана на працу, а я ўсё ня сьплю і думаю пра Вас.

Current Mood: high
Wednesday, July 7th, 2004
6:45 pm
Мова і сям'я \\ Language and Family \\ Язык и семья
"У тым, што цалкам зрусыфікаваная Беларусь ня будзе мець гістарычнай пэрспэктывы, я з вамі, спадар -----, абсалютна згодны. І гэта разумее ўсё больш нашых суайчыньнікаў. Нягледзячы на розныя перашкоды, мне даводзіцца часта сустракацца з маімі чытачамі, асабліва з моладзьдзю, і ведаеце, якія пытаньні я атрымліваю найчасьцей? Як пачаць гаварыць па-беларуску? Як выхаваць дзіця беларусам? Як пераадолець псыхалягічны бар’ер і загаварыць па-беларуску ў незнаёмым асяродзьдзі? Кожны з нас можа супрацьстаяць русыфікацыі, стварыўшы Беларусь у сям’і, сяброўскім коле, на працоўным месцы."
-- піша мой любімы У.А.

Я згодны зь ім, але вось менавіта гэта "Беларусь у сям'і" і ёсьць для мяне праблемным, хвалюючым і кантравэрсійным пытаньнем. Хто мяне знае, той зразумее.

Current Mood: pessimistic
Friday, June 11th, 2004
9:15 pm
Віртуальнае каханьне \\ Virtual Love \\ Виртуальная любовь
Яшчэ ўчора я ня ведаў, што Вы ёсьць на гэтым сьвеце, а сёньня прачытаў Ваш прыватны дзёньнік і закахаўся ў Вас. Выключна віртуальна.

Current Mood: happy
Monday, May 31st, 2004
10:59 pm
Мая свабода \\ My Liberty \\ Моя свобода
Некалькі месяцаў таму на радыё "Свабода" быў абвешчаны конкурс міні-эсэ "Мая свабода". Па прыколу я даслаў трохі падрэдагаваную вэрсію свайго папярэдняга запісу "Павага да прыватнасьці". Сёньня яны абвесьцілі вынікі конкурсу...
Tuesday, May 11th, 2004
9:09 pm
Павага да прыватнасьці \\ Respect for Privacy \\ Уважение к приватности
Нягледзячы на тое, што я вырас у БССР, я маю аднекуль вельмі моцнае адчуваньне свайго і чужога. Я не пераношу, калі нехта корпаецца ў маіх рэчах або паперах. Ненавіджу гэта. А сам ніколі ня буду гартаць чужыя паперы ці лісты. Я памятаю, як я жахліва злаваўся, калі ў суботу мама прыбірала ў кватэры і заадно "прыводзіла ў парадак" паперкі на маім стале. Настрой псаваўся на ўвесь дзень.

Сёньня гаспадар, у якога мы здымаем кватэру, зайшоў да нас, прынёс капы для крэслаў, азіраўся навокал, як распранаў. У мяне адразу сапсаваўся настрой, як ён сышоў. Я спачатку нават не зразумеў чаму, а потым дацеміў, правёўшы невялічкі самааналіз.

Мой дом - мая фартэца, кажуць ангельцы. Каб ён быў сапраўднай фартэцай, трэба быць багатым і купляць сабе крэпасьць (для пачатку купіць кватэру, потым катэтдж за горадам, падалей ад чужых вачэй). Грошы забясьпечаць прыватнасьць на тым узроўні, якім я хачу.

Гэта датычыць ня толькі жытлёвай прасторы, але і кантактаў. Калі маеш шмат грошай - можаш сам фармаваць кола людзей, зь якімі трымаеш кантакт. Ня трэба сустракацца зь людзьмі, якія табе не прыемныя.

Зарабляйма грошы.
[ << Previous 20 ]
About LiveJournal.com